影片
更多
2022-09-08
1040 浏览
星期六出咗去上环买嘢，再顺便喺附近食晏。原来新纪元广场上面有餐厅，成日喺下面穿梭都唔知添🙈。从扶手电梯上二楼就会见到「RevTime殇城逆流」，店名好霸气！店内环境唔错，系小清新嘅感觉，其中窗边位有阳光照入嚟几舒服☀️。但到访日太晒，我哋就选择坐远少少。另一边厢，舖内嘅墙壁亦画上色彩缤纷、兼且别具意义嘅油画🎨。但如果餐厅全场爆满的话，座位之间就有少少迫。餐厅主打英法菜式🍽，不过同时亦系一间Cafe，提供各种特色饮品咖啡同埋甜品。呢度定价属中等水平，始终喺上环商业旺区都唔会太平，我相信平日一至五午市应该好旺场👏。传统英式早餐($148)，All Day Breakfast基本上唔会整得难食😋，不过当然每间餐厅嘅出品都有分别，而呢度嘅特色就系丰富。早餐内容包括烟肉🥓、猪柳扒、脆薯饼、黑松露炒蛋🍳、蕃茄、烟三文鱼、司华力肠、约克郡布甸同沙律菜等，依个份量连男仔食都够饱。几样食材之中以Yorkshire Pudding约克郡布甸最特别🥞，香港唔系四周围有得食，但就喺英国几常见，多数系配烤牛肉。佢味道带咸，似面包多过甜点，质感尚算软熟。另外，烟三文鱼经稍为煎过，所以咸香突出。法式顶级牛肩($268
星期六出咗去上环买嘢，再顺便喺附近食晏。原来新纪元广场上面有餐厅，成日喺下面穿梭都唔知添🙈。从扶手电梯上二楼就会见到「RevTime殇城逆流」，店名好霸气！
店内环境唔错，系小清新嘅感觉，其中窗边位有阳光照入嚟几舒服☀️。但到访日太晒，我哋就选择坐远少少。另一边厢，舖内嘅墙壁亦画上色彩缤纷、兼且别具意义嘅油画🎨。但如果餐厅全场爆满的话，座位之间就有少少迫。
餐厅主打英法菜式🍽，不过同时亦系一间Cafe，提供各种特色饮品咖啡同埋甜品。呢度定价属中等水平，始终喺上环商业旺区都唔会太平，我相信平日一至五午市应该好旺场👏。
传统英式早餐
$148
38 浏览
0 赞好
0 留言
几样食材之中以Yorkshire Pudding约克郡布甸最特别🥞，香港唔系四周围有得食，但就喺英国几常见，多数系配烤牛肉。佢味道带咸，似面包多过甜点，质感尚算软熟。另外，烟三文鱼经稍为煎过，所以咸香突出。
法式顶级牛肩($268/CAB Angus)，🥩牛肩扒餐几大份，一客有两大件肉，夹埋应该至少8安士。Flat Iron Steak呈三角形状，切开有少少筋，不过肉质一啲都唔韧，生熟度刚好，而且牛味都几浓郁。牛肩扒简单用香草调味已经好够味🌿，油份又充足，食落有满足感。
牛扒本身跟配沙律菜🥗，另外仲可任食薯条或薯蓉。我要咗薯蓉，餐厅分开用碗仔上，一份有成三球🥔，口感绵密，味道唔错。虽然任食，但都饱肚，食唔到几多。
鸡蛋与高墙($68)，呢杯系升级版嘅朱古力🍫，卖相一流。面头松起嘅白色泡沫系打蛋白，再加埋棉花糖同朱古力酱☁️，以添口感。热朱浓度适中，香甜唔涩。
餐厅店员好好礼貌，服务贴心，而且仲为每位客人送上小心意甜品：玛德莲蛋糕Madelein❤️，柠檬味几清爽。贝壳蛋糕好多地方都有，但咁的骰都系第一次见。
总括嚟讲，餐厅嘅咸食菜式有水准，味道不俗，份量足，系食晏嘅好去处👍。同时，餐牌上引用咗好多格言同电影金句，富有文青气息。世界上有那么多的城镇🏰，城镇中有那么多的酒馆，我却走进了「殇城逆流」。
张贴
