il Bel Paese (皇后大道中) (已結業)

中上环区特别多各国美食，呢间位于上环皇后大道中嘅il Bel Paese 主打各款意大利菜，店内兼营grocery 同时亦有售卖意大利红酒🍷 芝士🧀火腿🍖同埋各款意大利嘅食材～即系你食完嘢买返屋企煮都仲可以😌店内所有店员都系外籍人士，服务态度好好。餐厅亦都气氛休闲。有午餐Menu提供，价钱都系百几蚊非常合理～餐前面包好香脆又够热，配搭油醋汁，忍唔住全部食晒！caprese $138前菜选择左呢个水牛芝士配意大利蕃茄，份量都好多，仲有橄榄油同埋basil，芝士好厚切有啲烟靭，口感同味道都唔错。Rigatoni Nduja$168香浓茄汁配上粗管意粉，入面仲有一只好特别嘅香肠，肉质口感紧实，有啲似肉丸咁，味道好香浓。Branzino alla Mediterranea鲈鱼肉质鲜嫩，配上大量蕃茄白酒味酱汁，充满意式风味！Tiramisü呢度嘅甜品真系好出色，呢度嘅tiramisu简直系全香港最好食，咖啡味好出，口感一流。Mix berries smoothies混合多种莓果及乳酪新鲜打成，口感清爽，唔会太甜。