Bluebird Coffee (上環) (已結業)

呢度喺新开无耐嘅人气cafe blue bird，佢位处于上环信德中心附近，都好容易揾，而佢坐拥两层，环境宽敞，坐位舒适，可以慢慢hea下倾下计嘅好地方。呢次我哋叫左一客朱古力心太软配雪糕，朱古力酥，蓝莓乳酪，饮品方面点左抹茶拉铁，午夜。朱古力心太软配雪糕：佢哋仲会配埋招牌嘅特浓咖啡，黑松露朱古力，焗杏仁片，有浓郁嘅咖啡加埋云呢拿嘅雪糕，仲有杏仁片增加香脆口感，而心太软蛋糕嘅朱古力配合埋黑松露朱古力，令到味道口感都变得丰富，朱古力酥：外皮非常酥脆，入面满满嘅朱古力。蓝莓乳酪：低卡低脂，甜度适中，健康之选。鲜奶抹茶：抹茶茶味浓郁，奶够香滑，唔会太甜。午夜：其实佢喺一杯碟豆花汤力特浓咖啡，味道都几特别，而佢嘅颜色亮丽，有渐层效果，用嚟影相打卡一流。