La Postre (永樂街) (已結業)

上环一向出名多好嘢食，好多都会捐窿捐罅先可以揾到，今次揾到依间喺地铁站隔嚟嘅La Postre. 环境相当别致，有种庭园嘅感觉，仲播著有节奏嘅音乐，气氛都唔错。餐牌款式选择够晒多前菜我就选择咗蜜瓜黑毛猪黑毛猪食落好香肉质松软，又唔会太咸，再配搭埋黑毛猪下面嘅蜜瓜好鲜甜，中和咗佢地一咸一甜嘅味道，食落好夹。饮品我就点咗蓝莓蜜桃茶一送到上嚟就见到入面有原粒蓝莓同蜜桃，饮落又有果味又有茶味几清甜。而友人就点咗荔枝茉莉绿茶饮落好fresh好浓荔枝果味，亦都唔会太甜主要都系果味嘅甜味，相当唔错。主菜就点咗西班牙海鲜炒饭一送到上嚟就见到个西班牙海鲜炒饭超级丰富，上面有四只大虾同埋六只青口最抢眼，仲有其他海鲜。大虾煎到好香，食落啲肉好结实唔会霉。而个青口虽然冇乜点调味，但反而可以食到佢嘅鲜味亦都唔会腥。蚬肉食落有少少香草味，肉质都好嫩滑。西班牙饭就煮得啱啱好，食落仲好有西班牙饭一粒粒嘅口感，而个汁就完完全全咁吸收晒入西班牙饭入面，食落有啲微辣，但入面又有少少蕃茄咁中和返，食落几惹味又几开胃。甜品就点咗绿茶麻糬窝夫窝夫新鲜焗出嚟好香脆，点返少少抹茶雪糕一齐食，食落唔会太干，加上入埋有少少烟烟靭靭嘅麻糬