Miss Lee (已結業)

某个周末约咗好耐冇见嘅朋友一齐食lunch，所以想系餐厅坐得舒适啲同食健康啲，李好纯确实可以满足晒两个愿望！依度餐牌会定期更新，食物份量都唔细，味道亦几好，一定会令你对素食改观！待应服务态度几贴心，上每道菜嘅时候都会详细介绍。餐前小食有芒果挞同豆腐紫菜薄脆，芒果挞带点微辣，生洋葱香味，挞皮亦好脆口，的确几开胃！前菜有芝麻南瓜饼、凉拌莴荀、黄金梛菜花同生菜包。最惊喜菜式一定系生菜包，泰色风味十足，冬荫公味劲浓，不过偏小辣。黄金梛菜花同样惹味，欣赏炸粉唔厚，咸蛋黄味几足，最正嘅系底下嘅南瓜忌廉酱，香甜口感令成道菜式更升华！主菜有菠萝咕噜菇配羽衣甘蓝饭、炒米形意粉同茶树菇担担面。三款主食都好出色！炒米形意粉炒得够干身，唔会太油腻，充满住镬气！ 朋友就几欣赏碗担担面，花生酱味都足，豆腐干/新猪肉完美代替猪肉碎。菠萝咕噜菇系几夹嘅，酸甜汁做得几好。甜品有合桃酥、桂花糕同桃胶圆肉糖水。甜品属于中式滋润口味，味道仍然唔错。