新城潮州飯店

营业中

休息中

记得男朋友第一次约我出街食饭就系去lee 间铺头(佢好cheap), 叫左蚝饼同卤水鹅, 其实我果阵系第一次食潮州野, 见铺头门口挂晒D食物出黎, 整蚝饼果个炉又系出面, 好惊唔干净. D野食到左果阵, 佢一夹就夹左好多比我, 唉... 我果刻唯有硬著头皮食啦, 唔通嫌三嫌四, 以为我系大小姐咁. 点知一食~~~ 好好味, D卤水鹅好正, 连卤水鹅下面D豆腐同花生都超入味, 原来卤水鹅系咁好味, 果晚我一个人仲叫左两碗白饭捞埋D汁潻呀. D蚝饼都好正, D蚝好鲜味同好大粒, 我男朋友话正宗既潮州蚝饼系用鸭蛋, 但系佢地就用左鸡蛋加鸭蛋, 但系都好好味. 自从果日之后, 我就成日走去喇, 有时一星期可能去两三日潻呀, 当然系男朋友陪我去啦^_^