Beefar's 鹿兒島燒肉

营业中

休息中

牛肋肉盛合($358)特上牛肋肉，油脂味最浓，在口腔油份最重，牛味则较轻微。上等牛肋肉，同样有油脂既香味，但油份冇特上牛肋肉咁浓郁，但肉质食到有牛味。牛肋肉，油脂相对较少，但牛味好重。每片牛肉只需每边烧几秒就可以，三款唔同级数既牛肋肉，个人最钟意当然系特上级别，牛肉入口有溶化既感觉。盐葱牛舌包($148)，厚切牛舌，开中心酿入葱粒，都系一种创新食法，因为牛舌有一定厚度所以烧既时间要耐一d，而且有机会出现外边熟，里面仍然呈鲜红色，要将开口位置向下让火可以烧到中心里面，但就会掉左部分葱粒出黎，味道方面，有油脂香味，而且食落好爽口有咀嚼口感。