影片
更多
2017-06-24
62 浏览
我之前去完星加玻食完榴莲一直都想食返上等榴莲，有朋友介绍呢间榴莲王话好正，咁梗系要去试！铺位虽然唔算大，但系都会有台坐系到慢慢享受，老板好好人，会介绍有咩正野食，又recommend应该食咩先会比较好，服务态度相当好！红毛榴莲特饮 ($22)红毛榴莲本身系酸既，唔会好似榴莲咁既味，仲有抗癌作用，好有益，但系香港好似无餐厅有呢种饮品，系呢到见到有真系好独特，所以梗系要试试！个特饮饮起黎居然无我想像中酸，仲会带甜，好正好解渴好啱夏天饮！啲果肉都好多，咬咬下好有口感，系必试！猫山王榴莲披萨 ($58)乜猫山王都可以配pizza？咁特别梗系要亲自去试，本身真系好惊会伏黎，有咩可能猫山王加芝士同香草？pizza既料真系好足，啲芝士仲可以拉好长既丝，影相一流！个pizza热辣辣，个皮系脆既，可能因为猫山王遇热之后无咁浓味，所以啲芝士同猫山王有莫名既配，系个口到融埋一齐真系好夹，食完阵余香令我仲想食........ D24榴莲白雪饼 ($20)见到咁多款味，都系想试下呢到招牌。虽然个样就普普通通咁，但系食落去劲足料，啲榴莲系劲多，食一啖系成口都榴莲！老板见我想影相，问我洗唔洗帮手剪开会影得靓啲，好细
铺位虽然唔算大，但系都会有台坐系到慢慢享受，老板好好人，会介绍有咩正野食，又recommend应该食咩先会比较好，服务态度相当好！
红毛榴莲特饮 ($22)
红毛榴莲本身系酸既，唔会好似榴莲咁既味，仲有抗癌作用，好有益，但系香港好似无餐厅有呢种饮品，系呢到见到有真系好独特，所以梗系要试试！
个特饮饮起黎居然无我想像中酸，仲会带甜，好正好解渴好啱夏天饮！啲果肉都好多，咬咬下好有口感，系必试！
猫山王榴莲披萨 ($58)
乜猫山王都可以配pizza？咁特别梗系要亲自去试，本身真系好惊会伏黎，有咩可能猫山王加芝士同香草？
pizza既料真系好足，啲芝士仲可以拉好长既丝，影相一流！个pizza热辣辣，个皮系脆既，可能因为猫山王遇热之后无咁浓味，所以啲芝士同猫山王有莫名既配，系个口到融埋一齐真系好夹，食完阵余香令我仲想食........
D24榴莲白雪饼 ($20)
见到咁多款味，都系想试下呢到招牌。虽然个样就普普通通咁，但系食落去劲足料，啲榴莲系劲多，食一啖系成口都榴莲！老板见我想影相，问我洗唔洗帮手剪开会影得靓啲，好细心！
个皮食落烟烟韧韧咁，又唔会好似糯米咁，居然完全唔痴口，软软地，就问下老板系咩皮黎，老板话系由日本米浆做成既，难怪咁特别！个皮都唔会话太厚，好似食皮咁，加埋D24，好丰富！
猫山王榴莲班戟 ($38)
出面啲甜品铺有好多都有榴莲pancake，食完都觉得无咩味，又淡，每次都好失望。见到呢到有，梗系要试下会唔会唔同啲，睇落虽然同出面啲差不多，但系食落真系将其他甜品铺既榴莲pancake比下去......
个皮好薄，啲陷一样都系好多，榴莲好creamy好滑，但食落唔会好瘘，猫山王果然系榴莲之王，食落好浓郁，好好味..........
食完今次，好肯定有下次！真系好耐无食啲上等榴莲，以咁既质素既榴莲真系算好抵..... 而且老板又好好人，会慢慢同我解释啲唔明既野，倾下计咁。
我其实对榴莲既要求都几高，都抱几大期望，所以真系好值得一赞！下次可以再黎试下其他榴莲食品。
张贴
