小桃園餐廳小廚

营业中

休息中

今日同女友假期去澳门玩几日，住元朗嘅我地就当然系屯门码头上船啦，咁买左船飞之后，我地就念住食定d野先啦！见到e间餐厅都几多人就入去食个下午茶先。坐低望住个海境又几靓呀！跟住就望下个餐牌先，好彩佢5点几钟都重有下午茶叫，下午茶就唔系好多款选择，同其他茶餐厅差不多，但系就无所谓啦，医到个肚就可以啦！咁首先我地就选择左个炸菜肉丝面再加炒蛋多士啦！炸菜肉丝面都几正路，炸菜肉丝都炒得几好，再加埋个大光面，大光面煮嘅时间就刚刚好，炒蛋多士都系无问题。女友就叫左个鸡翼再加西多，西多就系一块面包上，都几好味，鸡翼就普普通通啦！一杯冻咖啡再加一杯冻斋啡，咖啡餐厅都系用返雀巢咖啡，无咩特别，正路野！整体感觉间餐厅都系正常，无问题，如果有机会再搭船都会黎e度医肚。