影片
更多
2016-08-13
2873 浏览
平时帮衬开筲箕湾越华会，冇左之后第一次去铜锣湾分店食，一踏入餐厅既感觉，觉得好干净，晚上6：40到达，服务员话冇订位，需要在8点前交枱，因为我主要同妈妈去食晚饭，所以我答应冇问题，食完即走了，反正我都要返屋企睇电视。睇到个餐牌，觉得样样野都好好食，于是乎叫了4个𩠌。叫𩠌后，唔洗10分钟就即刻上菜，效率好惊人，系越华会食饭，相信一定唔洗催单，又唔会漏单，一碟接住一碟好快上菜，我都明白老板既心态，快啲上菜，快啲食完，再做下一枱客，理所当然的，你上菜上得快，我又配合你食饭食得快，唔阻你做生意。【葱油走地鸡】真系好多葱呀！我平时唔多食葱，但呢碟系佢既招牌菜，所以我都照食啦！虽然明知系冰鲜鸡，但啲鸡整得几好食，咸香味，加埋啲葱食，好香既葱油味。【脆皮炸豆腐】外脆内软既豆腐，一直系我在越华会食到既味道，好钟意食，可惜自己有办法煮到，所以要帮衬人地。【窝贴虾多士】从未见过咁大块虾多士，仲大过只碗 其实面包系好平，所以越华会比到咁大块多士顾客食，佢都明白顾客既心理，我地消费者都会觉得好抵食，所以呢方面越华会好聪明，炸得好香口，唔觉油腻，虾肉够多，而且弹牙，附上沙律酱，喜欢的可以点来食，唔错呀！多人食既
睇到个餐牌，觉得样样野都好好食，于是乎叫了4个𩠌。叫𩠌后，唔洗10分钟就即刻上菜，效率好惊人，系越华会食饭，相信一定唔洗催单，又唔会漏单，一碟接住一碟好快上菜，我都明白老板既心态，快啲上菜，快啲食完，再做下一枱客，理所当然的，你上菜上得快，我又配合你食饭食得快，唔阻你做生意。
葱油走地鸡（半只）
$128
55 浏览
0 赞好
0 留言
真系好多葱呀！我平时唔多食葱，但呢碟系佢既招牌菜，所以我都照食啦！虽然明知系冰鲜鸡，但啲鸡整得几好食，咸香味，加埋啲葱食，好香既葱油味。
脆皮炸豆腐
$68
66 浏览
2 赞好
0 留言
外脆内软既豆腐，一直系我在越华会食到既味道，好钟意食，可惜自己有办法煮到，所以要帮衬人地。
窝贴虾多士
$112
63 浏览
1 赞好
0 留言
【窝贴虾多士】从未见过咁大块虾多士，仲大过只碗 其实面包系好平，所以越华会比到咁大块多士顾客食，佢都明白顾客既心理，我地消费者都会觉得好抵食，所以呢方面越华会好聪明，炸得好香口，唔觉油腻，虾肉够多，而且弹牙，附上沙律酱，喜欢的可以点来食，唔错呀！多人食既话，每人可以分一块，食左好满足了！
咸蛋黄炒凉瓜
$65
50 浏览
0 赞好
0 留言
系我人生中第一次食呢个𩠌系在东来顺餐馆食到，佢地切凉瓜既size，我认为岩岩好，大约4x5cm般大，唔大唔细，而咸蛋黄既份量系薄薄地一层包住凉瓜，唔会太厚，唔觉太腻，我食完一件接一件，味道好食到令我唔会忘记佢既呢碟𩠌。至于越华会……我觉得呢碟𩠌比较失水准了！首先凉瓜切得太细条太幼身了，然后咸蛋黄太多粉浆太厚，好似咸蛋粉浆夺去主角凉瓜既味道，再者，粉浆好多油在里面，食完2条已经觉腻，之后食唔晒，我地都拆开粉浆，只食凉瓜条，唔好浪费嘛！比我感觉……凉瓜切得咁细条，感觉比我好小家，唔得大方，凉瓜唔系贵，可以既话，切大块一些啲比人食，咸蛋黄唔洗太厚，其实食咸蛋黄本身已经唔太健康了，但又想食，所以最好就系薄薄地一层包住就最好了！
最后，想赞一赞越华会，有𩠌菜食唔晒，我需要打包，取盒仔，询问几多钱一个？因为唔同餐馆都有唔同外卖盒价钱，服务员居然答我……唔洗收钱，我当唐好惊讶！杀那间……我觉得越华会老板好似天使，而且在发泡胶盒里舖上一层锡纸，太窝心了！当然我唔会滥用外卖盒，我都知要环保，所以我只攞一个盒盛有汁既𩠌，我自己有保鲜袋，用来盛放干身的食物，因为我都系环保使者，原先应该要自备外卖盒，但我冇谂过呢一餐会食唔晒啲食物，所以冇自备啰！曾经去过一些餐馆，外卖盒需要$3一个，我眼都突埋，后来向服务员了解后，才明白餐馆既出发点，都系唔想食客滥用外卖盒，一小件都话要用个盒来盛，知道$3个咁贵，就现场食埋果一件两件啰！张贴
