祥仔 (K11購物藝術館)

营业中

休息中

好少茶餐厅会开系商场，今日经过K11见呢间茶餐厅门面几靓，仲好特别有个两日两夜罗宋汤，就同老公入去试下!两日两夜罗宋汤跟餐+28有两日两夜罗宋汤同野饮，都几抵，落左order之后罗宋汤即刻送到，非常足料，酸酸咸咸好开胃，蔬菜系汤入面浸到入哂味，非常可口既一个汤品!祥仔脆脆猪扒饭有”祥仔”呢两个字一睇就知系招牌菜，上openrice都见好多人点呢个，猪扒同饭系分开上，非常细心，可以令猪扒保持松脆，唔会被汁整林。猪扒厚身，食落外脆内juicy，d肉汁爆哂出黎~非常推荐!而饭既汁系蕃茄汁，同上左彩虹车厘茄，甜度足，仲有d蘑菇增加香气同口感，蕃茄汁多到成个十都系，钟意用汁送饭既朋友一定钟意!铁板爵肉牛柳铁板上台店员会帮你淋上酱汁，铁板即时咋咋声，非常治愈! 牛柳一食落口估唔到咁淋，易入口又易咬，牛柳系薄身，但份量都足够，唔会只有两三片。配菜既栗米都非常之赞!好似bbq既感觉，又香又甜又爆汁~正!呢度既服务都好好，上菜速度超快，落完单好快就上齐菜，赶时间既朋友黎食就岩哂。