女人街食飯公司

营业中

休息中

旺角想食粤菜，不妨试吓呢一间，不妨装修食物都好唔错。因为电话永远打唔通嘅关系，6:15上去攞筹，最终等咗个半钟先入到去，8个人叫咗7道𩠌1个汤。虾多士好出名，价钱系逐件计而唔系一碟有几多咁，卖相都好吸引值得一试。煎炸嘢嗌咗豆腐同埋椒盐粟米，香口野一定唔会难食🤭肉类方面叫咗咕噜肉，薯仔牛柳同埋葱油鸡，前两者反而觉得系必叫，点知味道同水准完全比唔上葱油。薯仔炒牛柳过分多美极味道，热咕噜肉炸粉好多肉类比例好少。基本上每台都有叫到，但我唔建议叫。相反地葱油鸡好出色，鸡好嫩滑汁都调校得好好。仲有个螺头汤都好出色，好足料，完全唔觉有落味精。8个人每人都饮到一碗，份量好好。基本上呢头落单，𠮶头就系咁上菜，最后系食咗四个字就食哂😂等左1.5h食20分钟就完左，肚饿嚟啱哂。