富都茶餐廳 (已搬遷) 新店位置

接完主公收工又要出发去揾食,由于对荃湾人生路不熟,行了一段时间仍未找到心目中的餐厅,系又饿又攰既情况下,最后求其系附近揾间食算,结果就黎到富都。一入门口九点左右仍有数张枱吉位,无需等位,选了四人卡位谂住坐得舒舒服服又有电视睇,点知坐左一阵就发现泠气机滴水,被迫要转去二人卡位。坐底谂食乜,睇完个menu都系二人小菜套餐最fit我地,于是乎就点左椒盐猪扒同蚬蚧牛肉煲。落完order之后唔驶5mins就上晒所有野,仲要全部都热辣辣,咁有效率都系第一次见。快还快,味道又如何呢?基本上两个字可以总结晒-好咸蚬蚧牛肉煲:葱同姜已经占左一半,成煲野都咸到不得了,用黎送饭都嫌咸,更加唔好讲就咁食。椒盐猪扒:虽然无蚬蚧牛肉煲咁咸,不过仍然偏咸,口感都有少少韧,食两块已经唔想食。平时食饭都会坚持食晒避免浪费食物,不过今次真系要放弃,自问自己已经算食得咸,但都接受唔到。呢间野价钱唔算贵,服务都还可以,不过食物真系完全唔惦,绝对never again。