叁茶陸飯

营业中

休息中

一家大细外出食饭，拣食台湾野大人细路都有岩食既野讲下个环境先，座位阔落，坐得得好舒服，但冷气超级冻🥶另外，上菜速度劲快，落左单唔够5分钟，全部上晒枱😂咁岩我好肚饿，所以即刻觉得好加分🤭头盘叫左个皮蛋豆腐同埋古早味卤水拼盘皮蛋豆腐 - 我第一次食，好有惊喜，皮蛋同埋台式嘅酱油膏，咸咸甜甜好好味，豆腐加埋肉松，再点酱油膏好醒神开胃古早味卤水拼盘 - 成碟卤水嘅料都系偏硬，卤既时间唔够，个人钟意食比较软身既卤味，但味道系唔错嘅，除左豆腐，因为呢只豆腐外皮似豆干，入面系软淋淋既感觉麻麻地台湾葱油鸡扒干拌刀削面 - 鸡扒同一般台式盐酥鸡扒冇乜分别，外皮都系好香脆，唔会有油溢味，唔错。至于咁刀削面偏软身，味道方面好淡，我要加埋皮蛋豆腐嘅酱油膏食先觉得够味台式香肠菠萝炒饭 - 呢个饭最受小朋友欢迎，炒饭粒粒分明，香肠嘅味道系平时食开台湾肠嘅味道，甜甜地咁，而菠萝食得出系新鲜菠萝唔系用罐头菠萝，呢个炒饭好推荐！饮品方面净系叫咗杯茉莉绿茶加珍珠，冇少甜嘅情况下竟然唔会偏甜，淡淡嘅茉莉茶香加烟靭嘅珍珠，整体黎讲满意。