影片
更多
2019-11-15
2470 浏览
又系老朋友聚会嘅晚餐，今次拣咗万发做落脚点，因为有其中一个朋友话好鬼钟意食万发既牛仔粒，就听佢支笛，去咗万发食晚饭。呢个系海蜇手撕鸡，手撕鸡配爽口海蜇丝，鸡肉有弹性同埋好入味，唔似某啲手撕鸡店既鸡肉梅既，而且麻油香加芝麻粒，唔香就假啦。呢碟鹅肠系好好好好食，最钟意食爽口鹅肠，但系炆得够入味系好难，呢只入晒味，配埋下面啲芽菜丝一齐食简直系另一个层次！好够味，第一次食咁够味既鹅肠。豆豉鲮鱼油麦菜，因为本人唔钟意食油麦菜，感觉有啲苦苦地 ，可能我食唔惯啦，觉得豆豉鲮鱼好腥，油麦菜又好苦，不喜欢。呢啲就系其中一条友话好好食一定要试唔可以错过嘅一味𩠌 ，黑椒牛仔粒炒薯仔？哗真系好好食㖞！可能系我食过最好食嘅牛仔粒，牛仔粒又多淋又重牛味！黑椒味带点甜，薯仔外脆内粉，有啲似脆薯皇既口味，不过湿身啲好食过脆薯皇。真系一定要试吓，推荐👍🏻👍🏻👍🏻👍🏻👍🏻炸蚝仔饼！蛋浆多左d，同埋如果唔系炸得咁脆会更加好食，好少蚝仔又细粒，味道偏咸，要送饭先食到。卤水拼盘唔使讲啦，食打冷必点，其他冇乜特别嘅唔多讲，最好食系卤水熏蹄同猪耳仔，又爽又弹牙！正黄金虾有啲失望，佢似系yam左面粉去炸，先再落镬同咸蛋黄兜乱，所以见
呢个系海蜇手撕鸡，手撕鸡配爽口海蜇丝，鸡肉有弹性同埋好入味，唔似某啲手撕鸡店既鸡肉梅既，而且麻油香加芝麻粒，唔香就假啦。
呢碟鹅肠系好好好好食，最钟意食爽口鹅肠，但系炆得够入味系好难，呢只入晒味，配埋下面啲芽菜丝一齐食简直系另一个层次！好够味，第一次食咁够味既鹅肠。
豆豉鲮鱼油麦菜，因为本人唔钟意食油麦菜，感觉有啲苦苦地 ，可能我食唔惯啦，觉得豆豉鲮鱼好腥，油麦菜又好苦，不喜欢。
呢啲就系其中一条友话好好食一定要试唔可以错过嘅一味𩠌 ，黑椒牛仔粒炒薯仔？哗真系好好食㖞！可能系我食过最好食嘅牛仔粒，牛仔粒又多淋又重牛味！黑椒味带点甜，薯仔外脆内粉，有啲似脆薯皇既口味，不过湿身啲好食过脆薯皇。真系一定要试吓，推荐👍🏻👍🏻👍🏻👍🏻👍🏻
炸蚝仔饼！蛋浆多左d，同埋如果唔系炸得咁脆会更加好食，好少蚝仔又细粒，味道偏咸，要送饭先食到。
卤水拼盘唔使讲啦，食打冷必点，其他冇乜特别嘅唔多讲，最好食系卤水熏蹄同猪耳仔，又爽又弹牙！正
黄金虾有啲失望，佢似系yam左面粉去炸，先再落镬同咸蛋黄兜乱，所以见唔到粒咸蛋黄都系呢个原因挂，食落似系面粉炸虾，食唔到有咸蛋黄味，同埋咪睇相觉得只虾胀卜卜好似好大只，其实只系假象，面粉令到只虾睇落好大只，其实系正常街市买到果d size.
最后系豆苗，当唔当造我就唔知啦，不过好似落得太多蚝油，有啲咸得滞。。。
张贴
