影片
更多
2018-02-12
69 浏览
好多年都无行维园花市，今日下午终于重游一趟，可惜，毫无新意，唔嚟好过嚟。Honey 见我黑晒面，就氹我，话想睇有新意嘢好易啫，就带咗我由维园行去骆克道，嚟到呢间非一般甜品店。 一坐低，甜品师哥哥就递咗两支试管俾我哋。(哗! 到底Honey 带咗我去甜品店，还是化验室呀?) 原来两支试管系士多啤梨welcome drink。 甜品店全由年轻甜品师打理，个个埋头苦干。我哋坐在高身bar 台櫈，可以近距离同佢哋接触，欣赏佢哋嘅手艺。 Honey 话晒事，拣咗 Improvisation 甜品套餐$348，包席前甜品示范和两个饮品。 我哋拣咗白色画布，甜品师哥哥就开始动手，速度好快，一时用唧筒，一时又用小铲子，基本上，系睇唔清楚佢喺度画咩，净系知道佢喺度画画，我就觉得好似以前上Arts 堂，睇住 Miss 示范画画咁。 好彩，佢会讲俾我哋知，每一个step佢做咩。我又觉得好似以前上 Chemistry 堂咁，要跟 procedure去做:-Step 1: 用朱古力、芋头、士多啤梨糖酱来画抽象画；Step 2: 扫上蜜瓜、士多啤梨、芒果糖粉；Step 3: 放脆米、菠萝干；Step 4: 放甘桔
一坐低，甜品师哥哥就递咗两支试管俾我哋。(哗! 到底Honey 带咗我去甜品店，还是化验室呀?) 原来两支试管系士多啤梨welcome drink。
甜品店全由年轻甜品师打理，个个埋头苦干。我哋坐在高身bar 台櫈，可以近距离同佢哋接触，欣赏佢哋嘅手艺。
Honey 话晒事，拣咗 Improvisation 甜品套餐$348，包席前甜品示范和两个饮品。
我哋拣咗白色画布，甜品师哥哥就开始动手，速度好快，一时用唧筒，一时又用小铲子，基本上，系睇唔清楚佢喺度画咩，净系知道佢喺度画画，我就觉得好似以前上Arts 堂，睇住 Miss 示范画画咁。
好彩，佢会讲俾我哋知，每一个step佢做咩。我又觉得好似以前上 Chemistry 堂咁，要跟 procedure去做:-
Step 1: 用朱古力、芋头、士多啤梨糖酱来画抽象画；
Step 2: 扫上蜜瓜、士多啤梨、芒果糖粉；
Step 3: 放脆米、菠萝干；
Step 4: 放甘桔啫喱、草莓、朱古力布甸、花生糯米糍；
Step 5: 放朱古力片、芝士wasabi 奶冻、红豆糕、焦糖脆脆
砌完之后，以为佢完成幅画，点知好戏在后头。佢话仲要整两种雪糕。
佢拎咗个盘出来，然后打咗啲gas 入去。佢话系液态氮，温度是负196度。哗! 我又返咗去上 Chemistry 堂喇!
之后，佢又分别将啲竹炭味雪糕溶液倒入去，不停咁搅，就整咗啲竹炭味雪糕出来。跟住又重覆个 procedure，整多一款红豆雪糕出来。
舖埋啲雪糕和龙须糖去幅抽象画上面，就系咁，一幅创意无限嘅甜品画呈现眼前。
【70% 朱古力】朱古力味好浓烈啊! 正!
【Signature Fruit Tea】今次轮到靓女甜品师出场。佢拎咗套 distillation 嘅 apparatus 出嚟，整水果茶。我哋又一次上 Chemistry 堂喇，我仲谂番起Charles' Law、Boyle's Law。最上边一个樽是放咗水果，而个樽又连接著另一个 flask，个 flask 里面有茶。佢点著火，成个system 就温度上升，里面的气压就会上升，仲会压啲茶上去上边个樽，咁样样，啲水果就可以俾啲茶浸住。
熄火之后，流番啲茶去个 flask 之后，就可以拆走上边个樽。
跟住就可以加蜜糖调味。饮落又几好味㖞!
今趟真系够创意，可以睇甜品师表演，又可以重温上美术堂和化学堂嘅光景。
张贴
