奈良上釜 (已結業)

响 Times Square 买完嘢，来到登龙街揾食，当然系食日本菜吧~行过见到个锅不断喷烟，觉得好得意，所以就响呢家店晋餐。呢家店的环境比较细小，座位排得较密，所以大家都要坐得较亲密了~原来呢度系食釜饭，款式可真不少~蟹盛老公选了这个蟹盛，净系前菜都好丰盛，有蟹脚和天妇罗。蟹脚非常鲜味，而天妇罗炸得很香脆~主菜终于要来啦~ 一个大蟹盖盖住个饭，非常吸睛。打开蟹盖，有蟹膏、蟹肉和蟹子铺满响个饭面，浓郁的蟹香留在口腔，带出不同的口感层次，十分好味~三种盛釜饭而我呢个餐都唔弱架~ 前菜都有 5 碟咁多，我觉得最正系碟刺身同埋炖蛋，刺身是厚切而且味道鲜甜啖啖肉，而炖蛋铺上鱼子，跟蛋一齐食更显香滑。而我呢个饭的配料颇多的，有海虾、鳗鱼、牡蛎、冬菇、白本菇、三叶，口感宁舍腍身可口。而饭本身都唔可以忽略，有唔少饭焦，又脆又香。