燒肉屋 (清風街)

好友知道我最近沉迷「烧肉」，专程带咗我嚟喱间位于天后嘅YAKINIKUYA烧肉屋。店舖唔大坐位唔算宽敞，但木枱木凳红白蓝灯笼高高挂，再加埋个「烧肉研究所」灯牌，十足十置身于「二十世纪少年」电影嘅旧日本街道，好有mood。未坐定就决定嗌佢个$198套餐，虽然冇牛，但系有黑豚有五花腩，又有鸡肉鸡软骨仲有我最钟意嘅烧鸡翼，有前菜有特饮有甜品，真系夸张D讲句睇到都饱…烧烧烧，食食食，食到一半左右，侍应埋嚟问：「要唔要帮你地加D泡菜呀？」吓？乜原来5款前菜系 Free Refill？真系OMG无谂过。最后，侍应送上朱古力雪糕，上面有块好Cute嘅樱花脆脆，75分钟完了，一个完满嘅句号。顺带一提，烧肉要夹埋生菜一齐食！鲜甜生菜包著㷫烚烚嘅烧肉，一啖咬落去又涷又热又咸又甜又多汁，完全震动你味蕾。