鴨仔冰室 (已結業)

做嘢做到头都晕， 2:30之后喺观塘行过圈都有好多唔同嘅下午茶餐，今次嚟到呢个场，都有好几间唔同嘅餐厅食店，但系比呢间鸭仔大大只嘅公仔吸引，所以就过嚟叹个下午茶餐。下午茶餐嘅款式都好多，想食粉面又有，三文治多士又有，鸡髀鸡翼薯条亦都有，真系各适其适，适合唔同嘅食客。价钱都相当吸引而且抵食。炸鸡髀配薯条鸡髀大大只，炸得都几香，配上薯条真系下午茶嘅极品之一。公司三文治高级豪华版嘅三文治系我嘅最爱之一，材料丰富，而且份量好大件，抵食而且好饱足。罗宋汤螺丝粉配双蛋罗宋汤底唔错，有啲蔬菜而且唔会太咸，配只煎蛋感觉几健康。福字面拼火腿蛋地道下午茶餐之选，梗系食福字面啦，火腿蛋呢个永恒不败嘅配搭，几时都咁好食。红豆冰、菠萝冰及热柠水饮品可以有唔同嘅选择，红豆冰同菠萝冰好啱夏天食。