影片
更多
2021-03-03
1247 浏览
食肉兽嘅我哋又出动喇😛，睇完报道我已经Bookmark咗要食「京都胜牛」。我哋仲以为自己好醒，安排星期五晏啲先食午餐，咁就可以避过人潮。谁不知三点钟去到仍然系要等位㗎啰😨！不过店舖内员工人数充足，佢哋服务主动积极，所以我哋都唔使等好耐就入得。店员清晰介绍菜式，并指引我哋用QR code落单。唯一好可惜嘅系生意太好，M9和牛同三款甜品经已售罄😭。我哋首先一人点咗一份主菜🥢，食物选择唔少，其实除咗牛以外，佢亦有提供猪扒同海鲜等。由于肉嘅份量都多，所以我建议唔好嗌哂同一款，应该食多啲唔同口味。套餐好丰富，大大份主食外，🍚麦饭、🥗椰菜沙律同味噌汤全部任添！喺度食饭完全唔使惊会食唔饱。京都胜牛三味套餐($218)，睇见牛三味就知即系一份餐可以满足三个愿望𠮶种👌。我讲得无错(自问自答)，因为佢正正就系有齐翼板、菲力以及薄片酱味牛三款肉肉🥩。一碟有成十四件牛，连我呢个咁大食嘅小屁孩靠一人之力都唔会食得哂🤣。碟中左边斜斜哋切嘅系菲力牛排，🐮牛味浓郁，肉质较嫩；而翼板牛排就系呈条状𠮶款，油脂分布平均，食落几有咬口。以上两款各有各好食。但我觉得薄片酱味牛就一般，因为牛肉片始终比较薄，被上下两层炸皮包住，显
食肉兽嘅我哋又出动喇😛，睇完报道我已经Bookmark咗要食「京都胜牛」。我哋仲以为自己好醒，安排星期五晏啲先食午餐，咁就可以避过人潮。谁不知三点钟去到仍然系要等位㗎啰😨！
不过店舖内员工人数充足，佢哋服务主动积极，所以我哋都唔使等好耐就入得。店员清晰介绍菜式，并指引我哋用QR code落单。唯一好可惜嘅系生意太好，M9和牛同三款甜品经已售罄😭。
我哋首先一人点咗一份主菜🥢，食物选择唔少，其实除咗牛以外，佢亦有提供猪扒同海鲜等。由于肉嘅份量都多，所以我建议唔好嗌哂同一款，应该食多啲唔同口味。套餐好丰富，大大份主食外，🍚麦饭、🥗椰菜沙律同味噌汤全部任添！喺度食饭完全唔使惊会食唔饱。
京都胜牛三味套餐
$218
22 浏览
0 赞好
0 留言
菲力牛排
18 浏览
0 赞好
0 留言
碟中左边斜斜哋切嘅系菲力牛排，🐮牛味浓郁，肉质较嫩；而翼板牛排就系呈条状𠮶款，油脂分布平均，食落几有咬口。以上两款各有各好食。但我觉得薄片酱味牛就一般，因为牛肉片始终比较薄，被上下两层炸皮包住，显得有点热气。
牛排以外，餐厅亦花上心思喺酱料配搭方面，无论餐牌定枱面上都设有介绍🧂。大部份酱料口味偏清淡，唔会抢味，招牌牛排酱微酸，都唔错。
牛排上枱时约三成熟，其后就交由客人自行系热板上煎至想要嘅熟度。餐厅喺各个工序上都好认真👍，例如每枱均放有一分钟嘅漏斗比食客计时，就连烧炉嚿炭精都系用日本货。
东京风里脊猪排锅膳套餐
$138
8 浏览
0 赞好
0 留言
我哋为食先追加乌冬🍜(+$15)，点知出到嚟效果系咁夹。乌冬原来直接放喺锅底，所以佢完全系锅物嘅一部份！🍳滑蛋配以洋葱汁好惹味，洋葱条煮到好淋，虽然有乌冬，但其实个汁好适合捞饭。估唔到佢将咁平凡嘅菜式整得咁好食😋。
套餐有加配嘅选项，分别系$58(小品+饮品)同$68(甜品+饮品)。我哋加咗一款小食，就系我虎视眈眈咗好耐嘅炸特选大海老🦐(原价$48)，点解咁讲，系因为拣主菜时我都想嗌有炸虾嘅款式，但小食可以拣佢就唔使烦。特选大虾果然好大只，虾头有唔少膏，配他他酱食啱哂。
日本清酒豆腐雪糕
$58
14 浏览
0 赞好
0 留言
饮品方面🥤，我哋要咗红豆宇治冰抹茶(原价$32)同蓝柑荔枝味有汽特饮(原价$36)。前者嘅抹茶味唔错，亦唔会太甜🍵。蓝柑特饮蓝蓝的，打卡一流💙。题外话，我好想讲埋以下婆乸数...，哈哈。基本上叫得小食或者甜品的话，你只要加多$10就有埋杯价值$36或以下嘅饮品，而抵赞嘅系大部份嘢饮都唔会贵过呢个价，咁即刻佢无焗你再补多几蚊🙈。
总括嚟讲，餐厅各方面都令人满意，定价唔算平，但就真系比足嘢你食。店员好忙做到冇停手，不过态度依然专业，更不忘听取客人意见。如果你想食吉列菜式，不妨嚟呢度帮衬，😳但可能就要有心理准备排队等候先有得食。最后，我上载埋餐厅完整餐牌以供参考🙏🏻。
张贴
