茶聊

营业中

休息中

今日同朋友去食一間旺角樓上cafe，好近地鐵站，大約五分鐘路程。煙三文魚牛油果班尼迪，$108，賣相好靚，軟綿綿嘅班尼迪滲出熱辣辣嘅蛋汁，加上牛油果同埋煙三文魚，一層一層咁衝擊你嘅味蕾。藜麥大蝦牛油果沙律配百香果汁，$108，聽到藜麥呢個super food嘅名就知道係健康菜式，配搭埋沙律同埋牛油果唔止清新，仲幾開胃。白酒煮蜆意粉，$98，我成日覺得越簡單嘅菜式越考功夫，白酒煮蜆意粉就係其一。蜆同白酒嘅味每一啖都會慢慢滲出嚟，正常發揮。超級水果茶，$48，水果真係多到爆炸。不過今次叫咗杯熱嘅，果皮會有澀味出咗嚟，建議叫返凍飲比較穩陣。