茶聊

营业中

休息中

今日同朋友去食一间旺角楼上cafe，好近地铁站，大约五分钟路程。烟三文鱼牛油果班尼迪，$108，卖相好靓，软绵绵嘅班尼迪渗出热辣辣嘅蛋汁，加上牛油果同埋烟三文鱼，一层一层咁冲击你嘅味蕾。藜麦大虾牛油果沙律配百香果汁，$108，听到藜麦呢个super food嘅名就知道系健康菜式，配搭埋沙律同埋牛油果唔止清新，仲几开胃。白酒煮蚬意粉，$98，我成日觉得越简单嘅菜式越考功夫，白酒煮蚬意粉就系其一。蚬同白酒嘅味每一啖都会慢慢渗出嚟，正常发挥。超级水果茶，$48，水果真系多到爆炸。不过今次叫咗杯热嘅，果皮会有涩味出咗嚟，建议叫返冻饮比较稳阵。