大家樂 (太古城中心)

营业中

休息中

過咗太古城做嘢，做完嘢突然覺得自己好似孤独のグルメ入面的井之頭五郎咁。餓～～～即刻去搵食。 好耐無食大家樂下午茶，一於入去醫肚。叫咗個即烤豬排包配蘋果薯仔沙律麵包分量合理麵包有翻烘過，鬆脆唔會太乾，脆得嚟入面係軟綿綿的。因為自己有整開麵包，所以我對麵包質素都有啲要求。最怕食啲焗過龍，乾到好似餅乾咁嘅「麵包」。豬扒同個麵包size差不多，上面有燒汁。個汁偏甜。洋蔥夠多，但煮得太淋。個人鐘意爽口onion多啲。整體來說，個麵包係唔錯的。可惜個沙律就⋯⋯蛋黃醬嚴重過多，減3分2都唔過份。個醬多到我見唔到啲蘋果。其實而家都唔興呢款咁多蛋黃醬嘅沙律，真心建議大家樂出返啲健康版沙律🥗即係水耕菜沙律🥗、橄欖油、黑醋之類。