唯一麵家

营业中

休息中

打完波, 又口渴又攰到死, 基本上冇咩胃口, 但师傅都打算同埋食神夫妇一齐食d野先, 然后先返归, 而今次食神嫂就介绍呢间食店!入到去店内唔算多人, 可能系下午茶时段啦, 师傅真系唔饿净系想饮杯野, 再望下个餐牌一冻饮都要成十几蚊, 而一个下午茶餐都系廿蚊, 喺食神嫂建议下, 师傅就拣左个小食套餐, 要左小笼包同埋冻柠茶!小笼包真系等左好耐, 因为系即叫即蒸嘅关系, 所以杯冻柠茶先到; 冻柠茶真系够冻, 茶底唔算特别浓, 不过唔知点解师傅都觉得几好味, 可能系口渴啦; 终于到左小笼包登场, 小笼包一客有四只, 都算几大只, 师傅试左一只, 一啖放晒成只入个口度, 系非常之热, 全因为里面d汤劲热, 小笼包个皮其实可以接受, 不过师傅始终都系觉得厚左少少, 特别系个小笼包顶, 而个馅都几好味, 收货!总括黎讲食物质素都尚可, 环境一般, 服务都可以接受, 而价钱都几平, 小食套餐都系十八蚊一份, 冻饮加两蚊, 抵呀; 如果想食d特别嘅食物作为下午茶, 师傅觉得喺呢区呢间食店都系不错嘅选择; 如果有机会师傅下次都会再黎, 试下其他食物都好, 而呢个笑脸绝对值得一比!