俺流塩らーめん (大埔超級城) (已結業)

连名都唔识读嘅拉面店，经常都排长龙，难得平日下午茶人流较少又有优惠下午茶餐，试！下午茶餐都有四至六款套餐可以选择，唔记得实际数目，总之够拣啦！我哋拣咗樱花虾鲜鸡肉拉面同埋叉烧蛋丼(每份$48)，套餐包三只饺子同埋一罐水果味嘅梳打，眼阔肚窄嘅我系都要叫多份炸鸡($42)😝。细细碗拉面/丼，女士们够食，男士就要加码。拉面个汤底好鲜甜👍🏼，鲜鸡肉有味唔会淡戊戊，酱油饭都好食，如果饭再热少少酱油多少少会更好，炸鸡出奇咁大份，鸡好滑，皮再脆一点更好，不过都好好味，抵食！结论是会再帮衬。