康和閣酒家

营业中

休息中

本来同朋友去食一间就结业的老字号，点知下午原来唔开门，咁转plan食其他野，谂谂下好耐无饮过茶不如上茶楼啦。朋友话康和阁好坐，啲枱距离濶啲，而且有下午茶餐牌，劲多特价点心。一口气划左好多样野食，会唔会眼濶肚窄呢。酥脆韭菜角即系炸韭菜饺啦，炸得香口嘅，韭菜有啲汁几好味。芋茸千丝酥原来呢个系甜嘅，入面包著芋泥，但我觉得个皮一条条有啲拮口。香茜叉烧肠肠粉又几好㖞，皮滑又够韧，唔会一夹就散。香煎糯米鸡呢个无乜馅又无乜味，要点辣酱食。烧汁鱼肉酿茄子即炸起热辣辣㗎，鱼肉弹牙，好食。咸鱼鸡粒饭煲仔上份量好大下，鸡滑咸鱼香，加埋甜豉油好味，抵食之选。姬松茸鲜竹卷有少少菇味都几好，但鲜竹卷本身偏油，内馅系素菜。花菇滑烧卖饮茶一定点嘅烧卖，好大粒，粒粒有虾，但肥猪肉太多，咬落好油。食咁多都系百几蚊，饮左三四壶茶，真系好抵饮。