kikusan

营业中

休息中

平日下午放假，去咗沙田玩，喺新城市广场见到呢间餐厅，日式装修，环境都几舒服，啲枱唔迫，又唔嘈，坐低试吓佢个下午茶套餐，又几OK㖞，虽然选择唔多，不过我都拣到钟意食嘅嘢，叫咗一个担担面走辣，所以唔知道个辣度合唔合适，但系个担担面本身又几好，面够弹牙，花生酱汤底亦都相当之Creamy，但系又有少少花生碎粒，几好食，口感唔错，加咗两只韭菜饺子，好大只，基本上每只等于一般嘅两只份量，味道都OK，相信唔系喺街攞嘅货，而系自家制，皮都算薄，唔系太出色，但系可以啦，再叫咗一个天妇罗拉面，天妇罗有番薯、南瓜、茄子同埋两只虾，都几好㗎啦，啲脆浆算系几薄，拉面嘅汤底同埋面质都唔错嘅，每个餐重跟一杯嘢饮，价钱唔算贵，喺新城市广场里面算系中价，但系地方舒适，服务态度亦都几好，值得一试。