藍象泰國餐廳 (已結業)

平时大家一讲起食下午茶好多时都系谂起茶餐厅同各大酒店既西式茶点，但今日我地系尖沙咀就揾到个下午茶新选择，一个充满泰国特色既下午茶。成个tea set好似食紧西式茶点咁，一样有咸有甜。由最上层开始讲起，左至右分别系暖心榴连挞，班兰挞同泰式辣朱古力。 榴连挞味道浓郁，牛油皮松脆唔会太厚，班兰挞质地烟靱，而辣朱古力入口甜丝丝但最后有一阵辣劲系喉咙到都几刺激感官。中间一层系马可，柚子蟹肉沙律卷同皇家宫殿饺子。马可所用既菠萝几甜，上面既酱有少少nuts既感觉。柚子蟹肉沙律卷，柚子味道清新。宫殿饺子造型独特，配合鸟笼架，中间系一啲泰式馅料，食落集合甜酸辣咸。最底层系炸物，包括香脆虾饼，泰式比利时炸虾同泰式春卷。虾饼特别之处系中间夹左完整既虾，另一边既炸虾系面团既中间有咖哩味，我感觉几有创意同几好食。泰式春卷中间不同既材料令个春卷有好多口感。跟住我地叫左一个芒果糯米饭沙冰，开头啲冰好似冇咩味但其后慢慢饮到芒果既香甜，仲有啲糯米粒系中间都几得意。总结呢到带比大家一个与平时截然不同既下午茶体验，系茶点中加上左你想像唔到既泰式风味系中间，如果平时有食开下午茶既朋友，都可以试一试呢种不同风味既一餐。