影片
更多
2017-08-13
1160 浏览
小弟第一次写食评,因为个包实在太好食,要纪念一下.一开始无谂到咁好食,所以无影相,揾返佢facebook张图算数.我一向都系帮衬开隔离间天龙楼,因为屋企人钟意.一开始见到呢间茶餐厅,心谂都系standard野,无乜兴趣.寻晚见到有个下午茶汉堡餐,$36有包有薯条有野饮,胆粗粗就今日去试下.一开始见到个包既材料,太阳蛋,烟肉,鸡扒,沙律,芝士,个名叫做GTR唔知咩,我心谂,咪又系果D野.点知一等就等左20分钟,冷气又唔够,间舖平时又坐唔满,心谂好似中左伏.第一口当然系食薯条先,方形薯条黎,比广告牌既又粗又长,不过胜在够热,唔错.至于个包,第一眼我见到既反应系,条烟肉长过个包,块鸡扒又薄,又唔盖上面既包上去,认真奇怪.但我食落口,我第一个反应就系,第一次食到咁完美既汉堡.首先,烟肉系弹牙既,通常我食开早餐既烟肉通常都系煎到干晒,最多都系软口,但居然系有弹牙既烟肉.第二,个饱脆得黎软口,平时食快餐真系好难揾到,一系硬得滞,一系就咬唔开.第三,太阳蛋夹落个包度,蛋黄就夹爆,蛋白又够薄,完全食唔出平时食开果D臭蛋白味.第四,鸡扒够软,味道又够淡,唔似得大家乐大快活果D又硬又实既鸡扒,鸡油味又重.
我一向都系帮衬开隔离间天龙楼,因为屋企人钟意.一开始见到呢间茶餐厅,心谂都系standard野,无乜兴趣.
寻晚见到有个下午茶汉堡餐,$36有包有薯条有野饮,胆粗粗就今日去试下.
一开始见到个包既材料,太阳蛋,烟肉,鸡扒,沙律,芝士,个名叫做GTR唔知咩,我心谂,咪又系果D野.
点知一等就等左20分钟,冷气又唔够,间舖平时又坐唔满,心谂好似中左伏.
第一口当然系食薯条先,方形薯条黎,比广告牌既又粗又长,不过胜在够热,唔错.
至于个包,第一眼我见到既反应系,条烟肉长过个包,块鸡扒又薄,又唔盖上面既包上去,认真奇怪.
但我食落口,我第一个反应就系,第一次食到咁完美既汉堡.
首先,烟肉系弹牙既,通常我食开早餐既烟肉通常都系煎到干晒,最多都系软口,但居然系有弹牙既烟肉.
第二,个饱脆得黎软口,平时食快餐真系好难揾到,一系硬得滞,一系就咬唔开.
第三,太阳蛋夹落个包度,蛋黄就夹爆,蛋白又够薄,完全食唔出平时食开果D臭蛋白味.
第四,鸡扒够软,味道又够淡,唔似得大家乐大快活果D又硬又实既鸡扒,鸡油味又重.
第五,菜同蕃茄既草味完全被芥末沙律酱盖过,沙律酱咪又唔会太浓,系可以分到蛋黄味,烟肉味,沙律酱味,同淡淡既鸡扒味,四种味道加上够淡既芝士味同时都享受得到.
整体个包食落系唔觉得口干,完全无一个部分系觉得硬.
每个食材都系有心去处理,呢几年真系无食过咁有心机整既野食.
我自己写完都觉得仲夸张过写小说,但系个包真系咁夸张,夸张到我怀疑食唔到第二次.
张贴