玖子茶 (如心廣場二期)

营业中

休息中

第一次帮衬呢间舖头，见下午茶几抵食，一于就试吓2:00入到舖头，其实舖头都多空枱，但侍应表示要搭枱，咁我一个人，都唔想阻住人哋做生意，都冇乜所谓之后原来餐厅要扫code落单，不过呢个code有啲问题，load咗好耐都唔得，仲试过落单失败，结果系统显示我落咗两次单，我即时同侍应讲，叫佢帮我处理返点知，侍应同我讲佢唔识讲广东话，OK Fine，我可以转做普通话同你沟通，btw 我唔系歧视，但点解可以完全唔识广东话…..好啦，我以为侍应帮我处理咗，另外侍应出餐嘅时候，食物照系Double出，另一个侍应仲质疑返我，大声咁讲:点解你一个人食两个餐？我当然觉得感受好差，点解佢唔会谂会唔会去餐厅或者公司系统有啲问题先，反而直接怪责个客…如是者，我解释返比佢听，件事终于圆满解决咗。不过之后有其他客人入座，侍应都系继续唔好嘅态度对其他客人，虽然食物质素OK，但服务质素有啲参差。另外，讲下食物方面，咖哋多士好似一早整定，所以送到餐黎时，完全唔脆同唔热，好似食紧干争争既多士咁。