老富昌餐廳 (已結業)

同女朋友响老尖想揾个舒舒服服既地方叹吓下午茶，海港城老富昌系不二之选～过去几次既下午茶时段都唔系好多人，一 walk in 就有位～以佢地既格局，下午茶价钱唔系太贵，都系 50 蚊有找，而且最紧要系食物有质素～ 我地通常会叫以下两样： － 朱古力西多士配云尼拿雪糕 － 朱古力布甸(即系心太软)配云尼拿雪糕朱古力西多：我最钟意咁样既西多 － 半煎炸，色泽金黄得嚟唔似出面好多其它地方咁炸到咁 D 蛋汁硬晒飞晒出嚟又多油，佢地煎得好靓卖相好企理～ 虽然入面有花生酱夹心唔系个个钟意，但块面包本身都仍然保持到一定厚度，唔会俾花生酱抢晒个味～ 上面淋左 D 朱古力浆，其实理论上整体系偏甜，但因为又有旧云尼拿雪糕，混埋西多嚟食，冻冻地又可以平衡番个味觉，天时暑热食真系恰到好处～心太软：哩个系我食过质素最高既心太软之一！ 壳薄，汁多，质素稳定，次次都有一大摊朱古力浆流出嚟，好 rich 好好味～ 而且次次拎到出嚟都系热辣辣，混埋雪糕一齐食，一冻一热，朱古力味香浓，真系妙不可言～ 旁边既杂果其实就麻麻，不过牡丹虽好，都叫做有少少绿叶扶持～连饮品每人平均都系 40 几蚊，咁高质素，真系值得一再帮衬～