利滿皇宮 (已結業)

好耐无黎呢度饮茶，今日同个朋友黎饮下下午茶，上到黎都无乜点变㖞，装修同未改名前差不多，下午茶依旧系好多特价点心，价钱做到好平呀。炸鱿鱼须，卖相虽然同常见嘅唔同，但即叫即炸好香脆，点下喼汁几好味。鸡丝肠都几大碟㖞，馅都包得多，肠粉烟韧嫩滑，加埋甜豉油唔错呀。煎虎皮椒有四条，鲮鱼肉塞到好厚下，好香脆，咁啱呢四只都唔辣，让辣椒要有少少辣先过引㖞。虾饺大大只，好多虾好鲜甜，正。下午茶做紧特价嘅烧卖，一笼两粒$5.8，超抵食！瘦肉同肥肉比例唔错，咬落有肉汁，上面仲有只虾添㗎，特价都无稀场。小笼包无乜特别啦，皮都几厚，但至少入面仲有汤汁，呢个价钱收货了。叉烧包几大个，馅料都算多，个味调得唔错。仲叫左奶皇包，哈哈，呢度个包黄色㗎㖞。个奶皇好流心，咸咸甜甜几好味。红枣糕都系超特价$6.8一笼，烟烟韧韧有红枣味，微甜几啱口味，抵食。最后仲有咸鱼鸡粒炒饭，呢个掂㖞，炒到粒粒分明，食落唔油腻，最正系多咸鱼！两个人食好似夸张左，但其实系午餐黎㗎呀，忙到下午茶时段先得闲去食野所以劲肚饿。唔错唔错，想饮茶又多个地点选择。