入麵 (已結業)

第一次入荃湾，见肚饿同朋友随机简左呢间食下下午茶！下午茶时间人流不多，一入即有位唔洗等，环境亦几新几干净舒服。而服务员虽然大部分系后生仔女，但态度都几好！我地主要想食下小食，所以就叫左几款加饮品，价钱亦都几合理！两个人叫左4款小食加两杯饮品～炸蕃薯条，望落面头以为是椒盐既粉，点知食落甜甜地，都几惊喜几好味！一兜仔，两个人食已经好够，好抵食！仲有呢到既炸鸡翼，味道同出面既有些少分别，我会比较中意呢到既多啲～好回味😋😋 另一惊喜系亚姨饺子，共三款唔同料，我地简左韭菜！望落普通，但一咬落去，里头既汤汁流晒出黎😍，一啲都唔干！最后一款系水鱼蛋及烧卖～ 以为系街边笃既鱼蛋烧卖，估唔到上面多左啲料，几特别，仲有个特别酱汁可以点～味道亦唔会失望！除左小食，我亦叫左杯抹茶红豆～ 两者夹就众所周知架啦，我比较喜欢佢味道唔会太甜，最面有层泡沫，淡淡既奶味，好合我口味！😋😋😋朋友叫既鲜杂果话梅红茶好足料！好岩夏天饮，大大一杯，够晒有多～呢间铺仲有自家既面食，下次会特登黎试埋佢😁而且好似6点后仲有甜品供应😍😍望落好吸引，可惜时机唔岩，唯有下次再试！