心。泰 (已結業)

偶然行开，见到有下午餐食，价钱平，入去试下，估唔到真系喜出望外。叫左两个TEA，一个系十五蚊的扎肉喇沙配玫瑰姜柠檬疏打，一个系十八蚊的香茅虾饼串拼玫瑰薄荷茶。扎肉喇沙很热，椰香味极浓、辣度适中，上碗极靓，系我在香港吃过最似喇沙的喇沙。扎肉就好普通，街市货，但都OK。虾饼唔错，又系上碟劲靓，一枝香茅插著两件虾饼，绿配橙黄，赏心悦目，可惜少左O的，得两块，味道好，有大头虾味，弹牙，有落鲮鱼打，虽然油左少少，但十八蚊，想点呀?两杯饮品都好特色好靓，都有玫瑰花在水面浮下浮下，真系靓到呀...姜柠疏打姜味太重，虽然冰饮都喉咙都好热，玫瑰薄荷茶最正，一上时好热，仲有一片薄荷在水中，薄荷味好重，食完野后饮茶暖左，一饮而尽，哗，茶过喉咙个下，真系劲满足呀。埋单两个餐计埋加一都唔驶四十蚊，真系抵到晕。