六十年代

营业中

休息中

两个人喺大屿山行完山，本来谂住去东涌市中心食嘢，但系经过逸东邨嘅时候，想入去发掘吓有乜好嘢食。见到呢间，外边装修有啲怀旧，茶餐厅格局，决定试吓。里面装修又好似冇乜怀旧feel㖞😅。下午茶时段，佢都有唔少选择，行完山好热胃口一般，想叫啲辣辣地嘅嘢食，就要咗个星洲炒米。好快嚟到，睇落炒得几靓，有虾有火腿有芽菜有葱，仲加咗啲芝麻喺上面；食一啖，微辣，吵得几香口，米粉同配料味道好夹。下午茶当然有嘢饮，加$3可以饮冻嘢，我要咗杯冻柠茶，大大杯，有四、五片柠檬🍋，味道唔错。总体都几满意。