肯德基家鄉雞 (KFC)

营业中

休息中

今日嚟到港湾豪庭嘅KFC食下午茶，决定叫个蜜蜜烧鸡全翼茶餐。间铺头好似唔够人手咁，直头叫啲客人唔好去柜台落单，用手机落单，有少少混乱。搞咗一阵，终于用手机落左单，嘢食又唔算来，差唔多等咗10分钟左右就有。蜜糖鸡全翼系偏细只，但味道都唔错，甜甜地，唔会好㶶。个蘑菇饭呢，叫咗多汁，好彩个侍应都算大方，肯比多几羹汁我，多汁嘅蘑菇饭系几好食。葡挞就系发挥到平时嘅水准，一阵焦糖喺面，咬落去之后有香浓嘅奶味，好食。下午茶餐，总共系$25，都几抵食。