媽咪雞蛋仔 (已搬遷) 新店位置

今日下昼嚟咗黄埔呢头行街 行到三点三下午茶时间就有啲肚饿喇🤕 为食嘅我突然间好想食鸡蛋仔 即刻就记起呢间咁出名嘅舖头啦🙊之前都食过好多次㗎啦 每次都好多人堆住喺门口 当然今次嚟都唔例外啦😿 虽然真系好多人 但系都无阻我对鸡蛋仔嘅热情❤️ 见到店员密密手做唔停 但系都要等十分钟左右呀 期待已久 粒粒朱古力鸡蛋仔终于到咗我手上啦🤤一食就知水准一啲都冇退步到 依然系外脆内软😻 朱古力味都几出 唔会好似有啲舖头用朱古力粉嚟整 而系真系见到一粒粒嘅朱古力 有鸡蛋仔嘅热力 令啲朱古力融融地 真系非常满足🐷边行边食 都过咗一段时间 虽然鸡蛋仔系冇一开始咁热 但系外层依然咁脆 绝对唔会冻咗就硬晒☺️ 下次下午茶必定首选妈咪鸡蛋仔 仲有好多味拣呀