龍廷粵菜廳

营业中

休息中

放假同屋企人出去荃湾饮下午茶，之前去过同一栋嘅大厦另一间，今次就试吓呢间。估佢唔到竟然系个福建炒饭嚟先，份量正常唔算太大份味道都几好，蟹肉都几爽啲料都几足。试埋佢个烧肉濑粉，烧肉出奇地脆卜卜呢度系有惊喜嘅。鸭脚仔同埋菜苗饺都正常表现。反而有少少失望系个肠粉同埋小笼包，个肠粉煎完出嚟太烂。小笼包个皮做得几薄，就系薄佢下面唔垫底，四个穿左三个，漏晒啲汁嘥晒。个桂花红豆椰汁糕个味教得几好，唔会太甜，亦都有桂花嘅清香，最唔好就系个椰汁糕仔太松散唔够实净完全夹唔起。个紫米露虽然卖相唔系好得，但系个芋头煲到好腍好好食。成餐下午茶都系三百几蚊又食得过。