幸福鍋 (已結業)

下午经过西湾河太安楼地下嘅幸福锅，有下午茶时间嘅Menu，和朋友入去试吓一人火锅，佢赞口不绝。👍🏻👍🏻👍🏻叫咗传统嘅牛肉面同埋卤肉饭。牛肉面有咸酸菜同埋又淋又好食嘅牛腩，面质弹牙。卤肉饭有半只卤水蛋，卤肉饭嘅酱油好味道，一次过满足晒食面同埋饭的欲望。😋😋😋外籍朋友好欣赏台式香浓沙茶锅，里面有肥牛、玉米、冬菇、娃娃菜、米血糕、花枝丸肉丸枝竹等等。锅底嘅沙茶酱非常香浓好味，加埋薯粉同埋粉丝一齐食，饱肚又好味。幸福锅嘅饮品夜市凤梨🍍水果茶非常推荐，唔太甜，自家的芋泥鲜奶可以叫少甜， 芋泥又多又粉👏🏻👏🏻红豆仙草珍珠三色芋圆系我最钟意食嘅甜品，里面大大粒嘅珍珠，烟烟韧韧，又有仙草，甜甜嘅大大粒嘅红豆，仲有啲奶白色椰子味香浓嘅啫喱，食落去甜味适中。下午茶时间嘅食物又便宜又好食，真系唔错嘅选择，唔怪得知坐满晒人。