馬六 (已結業)

热辣辣冇咩胃口，想食碗汤面，入咗去马六，服务员很好，因为差不多到下午茶时段，提议我等到2点叫下午茶会抵食好多😁。下午2点系下午茶时段，价钱比午餐时段优惠好多呀！我就点左一个汤米、一个菜、一杯饮品。一直很喜欢肉骨茶，就算夏天热辣辣都一样想食，肉骨茶由多种药材煲成的汤，有和胃、健脾活血、散寒袪湿、对抗疾病的作用。巴生肉骨茶汤米粉$52原本谂住系下午茶，但点知份量比想像中多，跟午餐一样，超大碗。肉骨茶药材味浓，排骨好淋，有小量腐竹和豆腐卜，同米粉一样索左啲汤劲好味😋马拉盏通菜$26比想像中大碟的通菜，炒得很香，微辣。老街椰汁冰+$8呢个真系好啱夏天饮，椰汁打成碎冰，冰冰凉凉，好解渴。