J's CUCINA

营业中

休息中

今日放假，想喺荔枝角区叹下午茶☕️。朋友介绍去新开嘅83琼林街，是由两座好似双子塔咁组成嘅甲级商厦。连住商厦，有好多新开食肆，我哋入咗去一间西式咖啡店试试。墨西哥芝士馅饼🥙材料有芝士、鸡肉及牛油果🥑，旁边仲有沙律菜。馅饼焗得好香，外边咬落脆口，食到入面满满嘅牛油果及芝士，加埋嫩滑嘅鸡肉，口感大满足。法式多士配碎蛋、牛油果莎莎及烤鸡沙律一式三件嘅法式多士有三种味道，身为牛油果控的我表示，原来烤鸡沙律同埋碎蛋都出色。即磨咖啡要试咖啡店嘅咖啡水准，通常我都唔会饮拿铁或者朱古力咖啡等，直接饮佢嘅即磨咖啡☕️，再加埋咖啡cream，入口有烘焙嘅味道，饮落丝滑顺口，食个下午茶再跟杯咖啡，性价比高。今日悠悠闲闲食到个高质下午茶，即刻开心晒。