影片
更多
2019-03-23
488 浏览
星期六，系落住毛毛细雨嘅下午同闰蜜聚会，黎到呢一间Cafe，位置唔算开扬，但下昼时间都好多人，去到嘅时候啱啱好有两个位，唔使等唔使淋雨～铺头好多田园气息嘅装修，仲有啲篮可以俾你哋将的袋放喺张凳底下面，好方便～佢哋冇提供水嘅服务只有支装水两蚊，面个两蚊佢哋全数系捐出助养山区儿童嘅。好有爱心🥰入面仲有好多花嘅装饰全部都好文青～（啲相全部都系临走嘅时候影嘅铺头准备收场所以人比较少～）呢度嘅全日供应精选早餐$42 好抵食！我哋叫咗个 全日供应精选早餐3号：迷你汉堡两个，配炸薯角饮料：柠檬蜂蜜加$5之所以会话佢好抵食系因为个早餐好大份，薯格又粗又大条，而个份量都唔少。两个汉堡包绝对冇偷工减料！净系中间份蛋都已经好多～开餐仲跟埋沙律🥗同埋生果，真系好健康！汉堡包🍔两边嘅面都有烤过，识落仲系脆既，番茄好大件，炒蛋用上火腿一起炒，食落好满足。沙律酱好特别，甜甜地有带少少粉红色，薯角普通，茄汁唔够多～不过可以问店员拎～个橙好甜！柠檬蜂蜜蜂蜜味好重，同普通嘅柠蜜有啲唔同，跟餐加$5已经好大杯～精选特色餐（全日供应）Special All Day Breakfast $82特色肉肠（法兰克福肠、烟辣肉肠、阿
铺头好多田园气息嘅装修，仲有啲篮可以俾你哋将的袋放喺张凳底下面，好方便～
佢哋冇提供水嘅服务只有支装水两蚊，面个两蚊佢哋全数系捐出助养山区儿童嘅。好有爱心🥰
入面仲有好多花嘅装饰全部都好文青～
（啲相全部都系临走嘅时候影嘅铺头准备收场所以人比较少～）
呢度嘅全日供应精选早餐$42 好抵食！
我哋叫咗个 全日供应精选早餐3号：迷你汉堡两个，配炸薯角
饮料：柠檬蜂蜜加$5
之所以会话佢好抵食系因为个早餐好大份，薯格又粗又大条，而个份量都唔少。两个汉堡包绝对冇偷工减料！净系中间份蛋都已经好多～开餐仲跟埋沙律🥗同埋生果，真系好健康！
汉堡包🍔两边嘅面都有烤过，识落仲系脆既，番茄好大件，炒蛋用上火腿一起炒，食落好满足。
沙律酱好特别，甜甜地有带少少粉红色，薯角普通，茄汁唔够多～不过可以问店员拎～个橙好甜！
柠檬蜂蜜蜂蜜味好重，同普通嘅柠蜜有啲唔同，跟餐加$5已经好大杯～
精选特色餐（全日供应）
Special All Day Breakfast $82
特色肉肠（法兰克福肠、烟辣肉肠、阿历士黑椒肠）+ 火腿 + 班尼迪蛋 + 炸薯角 配 奶酱多士 及 时令沙律🥗
份量唔系讲笑，见到有咁多料都已经好满足～三款特色肉肠味道都差不多，外皮煎得脆！
班尼迪蛋下面有芝士同埋烤过左嘅多士，蛋做到流心，加上芝士，不错！
奶酱多士好脆，好厚身，花生酱好香！
其他既薯角同埋沙律🥗同上面个的一样！都系好好味～
另外仲配左杯榛子鲜奶咖啡☕️跟餐加$10
拉花都靓，呢杯咖啡就普通。
张贴
