影片
更多
2023-02-07
677 浏览
好味指数😋😋😋😋回头指数 ⭐️⭐️⭐️开心指数🤗🤗🤗 约朋友gathering，因为大家嘅时间唔太对得上，就拣咗一个 weekend 嘅下午茶时段嚟个短聚！因为大家食咗 lunch，之后又会食 dinner，所以谂住叫杯嘢饮，再叫2个甜品 share食！网上见到好多人都叫咗有棉花糖嘅窝夫打卡，好似好靓咁，眼见有另外2台都有叫，不过，我同时见到2台都不约而同咁，影完相后将个棉花糖放埋一边😂谂谂吓，打卡嘅嘢，唔好为咗佢叫特定嘅款式，都系叫返想食嘅味道！（到最后我都冇见到2台嘅客人食个棉花糖呢～）另外有个好好笑嘅状况系，我朋友准备要叫2个餐厅冇再整嘅甜品，点解会有呢个咁好笑嘅状况？因为店员俾咗一本冇 update 冇贴纸封住嘅 menu 我朋友，我朋友又咁有趣叫中晒餐厅冇再整嘅嘢！🍴重口味朱古力窝夫（$98/半份）呢款甜品除咗窝夫外，有好多其嘅配料，包括Brownies、Mövenpick Swiss chocolate 雪糕、Oreo 饼干同朱古力酱，窝夫外脆内软，有微微朱古力味，加埋朱古力酱食好正！Brownies 个外皮焗香咗，入面好 gooey，好味！点窝夫时，店员特地提醒我哋呢款系冇棉花
回头指数 ⭐️⭐️⭐️
开心指数🤗🤗🤗
约朋友gathering，因为大家嘅时间唔太对得上，就拣咗一个 weekend 嘅下午茶时段嚟个短聚！
因为大家食咗 lunch，之后又会食 dinner，所以谂住叫杯嘢饮，再叫2个甜品 share食！网上见到好多人都叫咗有棉花糖嘅窝夫打卡，好似好靓咁，眼见有另外2台都有叫，不过，我同时见到2台都不约而同咁，影完相后将个棉花糖放埋一边😂谂谂吓，打卡嘅嘢，唔好为咗佢叫特定嘅款式，都系叫返想食嘅味道！（到最后我都冇见到2台嘅客人食个棉花糖呢～）
另外有个好好笑嘅状况系，我朋友准备要叫2个餐厅冇再整嘅甜品，点解会有呢个咁好笑嘅状况？因为店员俾咗一本冇 update 冇贴纸封住嘅 menu 我朋友，我朋友又咁有趣叫中晒餐厅冇再整嘅嘢！
🍴重口味朱古力窝夫（$98/半份）
呢款甜品除咗窝夫外，有好多其嘅配料，包括Brownies、Mövenpick Swiss chocolate 雪糕、Oreo 饼干同朱古力酱，窝夫外脆内软，有微微朱古力味，加埋朱古力酱食好正！Brownies 个外皮焗香咗，入面好 gooey，好味！点窝夫时，店员特地提醒我哋呢款系冇棉花糖！其实我哋觉得好食比打卡重要😂
重口味朱古力窝夫
$98
25 浏览
0 赞好
0 留言
🍴流心软芝士麻糬厚松饼（$135）
切开后中间有流心，松饼非常松软，空气感十足，芝士味好轻巧，唔算太容易食到，如果系想要食到比较浓郁芝士味的话，就未必太满足到，同时唔系太有甜味，所以味道上似蛋白梳乎里多D，但呢个一定会满足到厚松饼嘅松软口感。另外，可能系因为share 食嘅关系，我 share 到嘅部分就唔太揾到麻糬啦，我自己觉得呢款一般，唔算好突出～
流心软芝士麻糬厚松饼
$135
26 浏览
0 赞好
0 留言
🍴招牌水果茶（$46）
放咗比较耐先饮，果味比茶味浓，蜡烛令到果茶全程都有温暖感。
招牌水果茶
$46
20 浏览
0 赞好
0 留言
虽然系 weekend，但下午茶时间唔算多人，坐得好舒服！不过服务可能要有少少改善，除咗要make sure 个 menu 系啱之外，我哋叫咗2个甜品，坐咗差唔多45-50分钟都冇出，当然我哋都系想倾偈为主，迟出系冇咩问题，就冇特别去问店员追单。跟住发生嘅奇怪位系，店员响落单后大概一个钟左右，嚟问我哋有冇点嘢食𠮶吓有D 搅笑，我哋就答点咗2个甜品，之后再过咗一阵就出，搅到我都好难唔去谂，佢哋有冇漏单！😂
另外仲有个有趣嘅 observation，店内我见到有2台客想影相，系叫另外嘅客人帮手影，跟住到我哋想影相时，因为周边冇咩客人，就叫店员影，但个感觉系，佢唔太想做呢件动作咁～
张贴
