影片
更多
2021-05-28
193 浏览
昨日系户外做左半日嘢，无咩胃口，所以谂住简单快食碗粉，饮杯冻饮降一降温后，便赶住继续户外的工作。见到店内无咩客，得3枱，谂住应该好快出到餐就入左去。入座后，店员礼貌告之，顾客需自行扫枱面上一张QR code纸（是收据那种热敏纸）进入网上系统，并自行落单，过程中有问题的话，可再叫佢。落单过程顺利，我order左一个生牛肉河（小碗，走洋葱）及冻蔗汁，共$45。蔗汁好快到左，谂住碗粉都好快上到，但问题就开始出现啦！我坐左约15分钟后，听到隔离个枱食客开始向店员追单，然后对面个枱客又系追单，但店内加埋我先4枱客，咁少人都要追单？😳开始心感不妙，跟住过左5分钟后，我碗粉都未上，所以都叫店员帮我叫单。跟住门口带位个位店员覆我话食物黎紧，就得，等多一阵。如事者，我再等多5分钟，前后等左廿几分钟，终于等到碗粉到。一见到碗粉，当堂吓亲，虽然我知是小碗粉，但真心无谂过细碗成咁（好彩热到无咩胃口），然后我只是order左走洋葱，佢就连芽菜同葱都走埋，变成得返粉及牛肉。因为赶时间，所以无出声，谂住拿拿声食完就走，点知连杯蔗汁都中伏，唔知系煲㶶左，定系佢落左 d 咩材料，隐约饮到一阵苦味，自问不嬲好有衣食既我，
见到店内无咩客，得3枱，谂住应该好快出到餐就入左去。入座后，店员礼貌告之，顾客需自行扫枱面上一张QR code纸（是收据那种热敏纸）进入网上系统，并自行落单，过程中有问题的话，可再叫佢。
落单过程顺利，我order左一个生牛肉河（小碗，走洋葱）及冻蔗汁，共$45。
蔗汁好快到左，谂住碗粉都好快上到，但问题就开始出现啦！
我坐左约15分钟后，听到隔离个枱食客开始向店员追单，然后对面个枱客又系追单，但店内加埋我先4枱客，咁少人都要追单？😳
开始心感不妙，跟住过左5分钟后，我碗粉都未上，所以都叫店员帮我叫单。跟住门口带位个位店员覆我话食物黎紧，就得，等多一阵。如事者，我再等多5分钟，前后等左廿几分钟，终于等到碗粉到。
一见到碗粉，当堂吓亲，虽然我知是小碗粉，但真心无谂过细碗成咁（好彩热到无咩胃口），然后我只是order左走洋葱，佢就连芽菜同葱都走埋，变成得返粉及牛肉。
因为赶时间，所以无出声，谂住拿拿声食完就走，点知连杯蔗汁都中伏，唔知系煲㶶左，定系佢落左 d 咩材料，隐约饮到一阵苦味，自问不嬲好有衣食既我，都要投降，饮剩半杯。
最后，谂住叫埋单走人，一直等唔到店员路过。门口带位就挂住抹野，企在店中间个个就发紧梦，对眼擘大企系度，但个视线唔知放空左去边，明明望到佢正面，但挥晒手都系望你唔到，结果要大声叫，仲要叫一声唔得，要再大声叫到成间舖都听到先有反应。佢行到埋嚟，我话叫埋单，佢就叫我自己出去埋，但枱面除了个张QR code纸外，并无其他平时见的收据。我唯有问佢一声是否罗呢张纸（张QRcode纸）出去埋单？我只系想确认下，佢就九唔搭八，机械人式覆述：「你出去埋单，或覆述枱号就可以。」
好后悔，食到成肚气，发誓以后都唔会再食锦丽。🤬🤬🤬
5 浏览
0 赞好
0 留言
张贴
