金滿庭京川滬菜館 (時代廣場) (已結業)

平时我都会于晚饭时段去帮衬铜锣湾嘅金满庭, 钟意佢啲茶够靓同食物质素有保证, 虽然要等好耐位, 但都照排队可也。上星期六, 大约下午四点, 谂住去食佢嘅下午茶餐; 佢门口个牌都系写下午茶由3至5点, 但你一坐落就话你知last order 系4点15分, 坐到4点45分就要清场; 唉! 既然想赚埋下午茶市嘅客, 唔该你哋啲营业时间就有啲弹性, 唔想做到5点, 就唔好喺门口写营业到5点; 人哋排队都排都4点先至有位入, 一坐低就滚水碌脚咁赶嚟落order同食, 仲惨过去快餐店。仲有, 系啲食物, 虽然明知份量系会少啲 (因为价钱相对算平咗), 但都唔好系和暖, 啲酸辣汤系暖嘅, 回锅肉粗炒好多油 (已叫少油); 但最忟系啲茶, 揭开壸盖, 见到啲茶叶系已经满满半壸, 即系不停加添翻冲, 无哂茶味嘅万年茶, 当日我两个人去, 只有一个叫套餐, 另外一个系散叫其它食物, 所以佢都收咗我$10茶钱, 但都要饮呢啲万年茶; 如果佢下午茶时段嘅出品同晚市差咁远, 几平我都唔会再去;