金滿庭京川滬菜館 (時代廣場) (已結業)

特登拣下午茶时段去,因为平d...(真系好抵咖!)我地2:45就到左, 要攞飞,等3点先可以入去,就系咁, 等左15分钟...睇完餐牌,我地叫左两个下午茶餐, 各$52,另加一个醉鸡, $70.(下午茶时段免茶芥免收加一, 餐牌内食物有八折)大家一齐睇下张menu啦,我地分别叫左鸡丝粉皮, 熏鱼, 傻佬炒饭及回窝肉粗炒, 熏鱼虽然只得4件, 但真系好好味, 又脆又甜甜的... 好少骨...相比鼎泰丰果个超多骨的, 呢个真系食得好方便!鸡丝粉皮亦好好味,花生酱, 青瓜丝, 粉皮同鸡丝,百吃不厌~!个傻佬炒饭, 每次必吃,有虾仁, 大虾米, 咸蛋黄, 肉松, 仲有d好似系葵花籽仁...加埋一齐炒...大家去试下就知几好食咖喇~!至于个回窝肉粗炒...就略嫌多油左少少...但都ok... 个醉鸡好好味...每咬一件入口, 都感觉醉醉的...哈哈~!鸡肉好鲜味~!~!~!本人诚意推介...人参乌龙...茶味少苦但回甘...令人一饮再饮,,,!!!!! =]