Outback Steakhouse (已搬遷) 新店位置

Outback 分店多，价钱不贵，所以经常都会去食。今日闲日下午开完会去左尖沙咀既分店食野，因时间系四点几，所以其实唔洗等位，非常正。时间咁岩，系 Happy Hour. 可惜又系唔饮得酒，所以叫左杯沙冰。平时都会嗌 barry 或青瓜，系最推介的。今次想 fresh d，就嗌左青瓜沙冰，唔会甜，好清，醒神，加上有小小薄荷叶味，好岩夏天。可惜我仲未揾到人钟意饮，如果您都钟意，不妨 like 一下我张相，等我知道有同道中人。女朋友叫左 Mojito，都好适合咁热既天气，我试左一啖，都唔会好甜，可以再试下。今日唔太饿，就叫左鸡肉夹饼，唔想食粉面或扒可考虑下，好处系有薯条跟。个酱系蜜糖芥末，其实同个饼唔算好夹，但用面点薯，薯条就唔错。另外，牛油果蟹肉脆脆 (我唔系好清楚个名)，呢个每次都会叫，都 light，清清地，唔洗下下食芝士 Nacho 咁重型。甜品，冇办法，试过几样，都系 Brownie 最好食，有 cream 有雪糕，又冻又热，系重型的甜品，但值得试的。服务方面，当日系 ok 的，唔会好似晚市午市打仗冇人理您。