囍記車仔麵

营业中

休息中

太耐冇食过车仔面，今日经过又咁岩下午茶优惠，三𩠌都系$38，仲有热饮送！选择咗牛丸、沙嗲牛肚及辣味猪红，配幼面及秘制辣汁（少辣）！汤底确惹味，少辣唔辣，下次可以试吓中辣！幼面份量够多，唔驶加底，煮得唔太腍，再硬身d会仲岩口味！而牛丸有两大粒，质素普通，反而个沙嗲牛肚煮得入味又腍身，好味㖞；猪红唔会一夹即散，辣辣地好岩车仔面做𩠌！饮埋杯热奶茶，香滑，咁嘅价钱，确系抵食，有车仔面感觉！