Pizza Maru (希慎廣場)

营业中

休息中

呢间之前都想试，今日趁着系平日，又系下午茶时间，冇乜人等位所以就入去食啦！凤梨虾芝士烩饭:一上枱啲芝士就卜卜卜卜咁样，趁佢热就即刻同佢啲饭捞埋一齐，食落去都有调味辣，其实都可以称之为唔辣嘅，份量都唔少㗎，成个饭有凤梨既甜，加上芝士嘅香味，好好食，不过啲虾就比其他味抢晒噜！火辣秘制炸鸡：叫咗六件炸鸡，好好食，就算话系火辣都唔系话真系好辣，果酱甜甜地，啲鸡炸到啱啱好，有啲系鸡胸肉，有只鸡翼，有只鸡锤，估计系半只鸡啦！炸粉都唔系话好厚，整体来讲，我觉得必须要点炸鸡，下次可以试吓其他味。最后叫咗两杯嘢饮，嘢饮既present都几靓丫，好饮既！一杯系柚子汽水，令一杯系荔枝味低酒精嘅酒。