上海婆婆 (已結業)

暑假日子真系日日精彩，除左做妈妈嘅我要去谂一连串嘅活动之外，连佢地所有亲戚都会一齐谂下安排咩节目比我三个妖怪，好等佢地唔洗白白浪费左个暑假。星期一，佢地嘅二伯公就一登请假去陪佢地去玩，玩到下午2点几肚饿啦，就决定去医肚啦。因为我地去完金钟返荃湾，所以决定近近地系绿杨食算，我只大妖怪见到呢度有小笼包食就大叫话要食呢间。可能因为系星期一嘅下午时间，所以冇咩人。一坐低全程由我二伯父拍板。黄金炒饭：即系咸蛋黄炒饭，咸咸香香咁，饭粒分明唔会痴埋一齐。但虾仁就好大阵雪味。上海粗炒：炒得好香，味道刚好，但好少肉丝，可能系因为下午茶餐关系？！三鲜汤年糕：汤底算鲜但偏淡，可能系我先入为主左上海菜系比较浓味，三鲜有火腿，鸡粒同虾仁，虾仁一样系好大阵雪味，但其他都唔错，d菜加埋个汤底食系好甜。炸春卷：好香脆，入面嘅馅都好味，冇肉嘅（啱哂我个2个唔中意食肉嘅妖怪），入 母中有萝卜丝，木耳，沙葛等。小笼包：汤汁都算好味但偏少，肉好淋好够味，所以2个大女都食唔停，皮厚少少但都可接受。下午茶算抵食，如果系当午餐食个份量可能就唔够饱了。另外每个饭/面餐都会送豆浆一杯，豆浆唔会太甜但饮得出系唔够豆味。